தமிழ் சினிமா பாடல்களும், மலரும் நினைவுகளும்

"80களின் தமிழ் திரைப்பட பாடல்கள்" என்ற நீயா நானாவுக்குப் பிறகு பேஸ்புக்கில் பலருக்கும் 80களின் தமிழ் பாடல் நினைவுக்கு வந்துவிட்டது போலும். பாடல் மேல் பாடலாக ஒரே ஷேரிங்ங்ங்ங்!!எனக்கும் ஏதாவது தமிழ் பாடல்கள் நினைவுக்கு வருகிறதா என்று யோசித்தேன்...ம்ஹூம்!! மங்கலாக, "வந்தாய் கோபாலனே" என்ற பாடலும்,"மாமிக்கு மயிலாப்பூருதான்" பாடலும் நினைவுக்கு வந்தன. அப்புறம், "ஹேய்....இளமை இதோ...இதோ" பாடலும். அதற்கு பிறகு, எவ்வளவுதான் மூளையை கசக்கினாலும்...போன ஜென்மத்து நினைவு கூட எட்டிப்பார்த்துவிடும் போலிருக்கிறது, தமிழ்பாடல்கள் எதுவும் நினைவிலில்லை!!

அதற்குள், அம்னீஷியா என்றெல்லாம் முடிவு கட்டிவிடாதீர்கள், வேறு ஒரு காரணமிருக்கிறது, மேலே குறிப்பிட்ட அந்த ஒரு சில தமிழ்பாடல்கள் எல்லாம் ஐந்து அல்லது ஆறு வயதில் கேட்டது - அறியாத வயதில்,புரியாத பருவத்தில்!!  அதற்கு பிறகு, வீட்டில் தமிழ் திரைப்பட பாடல்கள் சுவடே இல்லாமல் ஆகிவிட்டது. வெயிட்...வெயிட்...நான் தமிழ்நாட்டில் பிறந்து வளர்ந்த அக்மார்க் சுத்தமான தமிழ்ப்பெண்தான். ஆனால், ஏனோ  வீட்டில் தமிழ் பாடல்களுக்கெல்லாம் தடா!

அந்த 'ஏனோ'வில் இருக்கிறது எல்லாம்! தமிழ் திரைப்பட பாடல்களைக் கேட்கும் வழக்கமே இருந்ததில்லை. முதலில் பாடல்களே இருந்ததில்லை. எல்லாம், "உனக்கு நான்;எனக்கு நீ" என்று காதல் பித்து பிடித்து ஆட்டுவதே காரணம்.  இந்த மாதிரி பாடலைக் கேட்டு எங்கே பிள்ளைகள்(ஹிஹி நான் தான்) மனசு கெட்டுவிடுமோ என்ற ஆயாவின் பயமும் முக்கிய காரணி.
முக்கியமாக, பெரிம்மா உட்கார்ந்து தமிழ் திரைப்படப் பாடல்களை கேட்டதாக நினைவே இல்லை.  அதோடு, நாங்கள் பாடல்களை பார்த்ததுக் கூட‌ இல்லை. 'ஒளியும் ஒலியும்' மட்டும் விதிவிலக்கு. ஏனெனில், அதில் எல்லாம் சிவாஜி/எம்ஜிஆர் பாடல்கள்தான், பெரும்பாலும்! நாங்கள் அதைப்பார்த்து(!) என்ன பாதிப்புக்குள்ளாகப் போகிறோம்?!!அதிலும், கடைசி பாடலாக ஒரு புதிய பாடலைப் போடுவார்கள். அப்போதுதான், எல்லாருக்கும் தண்ணீர் தாகம் எடுக்கும் அல்லது கதவு பூட்டியிருக்கிறதா என்று பார்க்க வேண்டும். அடியேந்தான் அதற்கு பலியாடு!

எல்லாரும் சொல்வது போல, எங்கள் வீட்டிலும் ஒரு ட்ரான்சிஸ்டர் இருந்தது.
அதில் சென்னை வானொலியும் பிபிசியும்தான் வரும். அதில் தமிழ்பாடல்கள் என்றால், "ராஜா வாடா சிங்ககுட்டி" டைப் பாடல்கள்தான்.  அதைத்தாண்டி, தமிழ்பாடல்கள், என் காதில் ஒலித்திருக்கும் என்றால் ,அதற்கு  நாங்கள் வசித்த பகுதியிலிருந்த கோயிலுக்கோ/ திருமண மண்டபத்துக்கோத்தான்   நன்றி சொல்ல வேண்டும். அங்குதான், ஸ்பீக்கரில் பாட்டு போட்டு விடுவார்கள்.

ஆனால், பள்ளியிலோ எல்லாம் தலைகீழ். என்னைத்தவிர, எல்லாரும் இந்த‌ ஜிகேவில் கெட்டிக்காரர்கள். பாட்டுப்புத்தகங்களை எல்லாம் வைத்து கெமிஸ்ட்ரி க்ளாசில் மனப்பாடம் செய்வார்கள். (அதில் பாடல்வரிகளை பார்த்தால் நிஜமாகவே அருவருப்பாக இருக்கும்.) புதிய பாடல்களை விரல் நுனியில் வைத்திருப்பார்கள். நான் மட்டும் அவர்கள் வாயை பார்த்துக் கொண்டிருப்பேன். நல்லவேளையாக பாட்டு பாடும் விபரீத ஆசையெல்லாம் இல்லாமல் போயிற்று.  ("மணிக்குயில் இசைக்குதடி" என்ற பாடலை குணசுந்தரி பாடக்கேட்டு அதுதான் ஒரிஜினல் என்று நம்பி அதற்கு விசிறியாக இருந்தது, தனிக்கதை!)

இதில் என்ன ஆச்சர்யம் என்றால், எல்லாரும் அம்மா, அப்பா, அண்ணா/ அக்காவோடு இந்த சினிமாக்களை பார்த்திருப்பார்கள். அவர்களது அப்பாக்கள் பாடல் கேசட்டுகளை வாங்கித்தருவார்கள். பாடல்களை குடும்பத்தினருடன் கேட்பார்கள். இப்படி ஒரு பழக்கம் எங்கள் வீட்டில் இருந்ததேயில்லை. அதாவது, தமிழ் திரைப்பட பாடல்களை ஒலிக்க விட்டு கேட்பது! இது  நிஜமாகவே எனக்கு அன்றும் இன்றும் ஆச்சரியமே!

ஏனெனில்,   கிட்டதட்ட எல்லா பாடல்களுமே, பெண்ணின்  உடல் உறுப்புகளையே வர்ணிப்பது, "காதலுக்கு முன் எல்லாம் தூசு" ,
ஆணுக்காக ஒரு பெண் ஏங்கி கிடப்பது, 'எனக்கு நீ  உனக்கு நான்  ' டைப்   தலைவன் - தலைவி பாட்டுகள், முக்கியமாக எல்லா பாடல்களும் சுற்றி சுற்றி கட்டிலிலேயே வந்து முடிவது  -  இவையெல்லாம் எனக்கு ஒவ்வாதிருந்தன‌!

இந்த பாடல்களை எல்லாம்  கேட்காமல் "நீதான் மிஸ் பண்ணிட்டே" என்றால் எனக்கு சொல்வதற்கு ஒன்றுமில்லை. இப்படி கேட்காமலிருந்து(படித்து வேலைக்குப் போகும்வரை எதிலும் சிக்கிக்கொள்ளாமலிருக்க வேண்டும் என்ற கடிவாளத்துடன் வளர்க்கப்பட்டு), எனக்கே ஒரு கட்டத்தில், இந்த பாடல்கள் மீது, ஒருவித அசூயை வந்துவிட்டிருந்தது. அதாவது,   

( வெற்றியடைந்த பெரும்பாலான‌ பாடல்கள்) எல்லாமே ஏன் தலைவன் - தலைவி அல்லது ஹீரோயின் உடலமைப்பை வைத்து வம்பிழுப்பது, 'எப்போது உன்னைத் தருவாய், என்னைத் தருவேன்' என்றே இருக்கிறது,  இதைத்தாண்டி எதுவுமேயில்லையா என்றெல்லாம்  யோசிக்கத் துவங்கியிருந்தேன்.

பெரும்பாலான தமிழ்பாடல்களை கல்லூரி சென்றுதான் முதன்முறையாக கேட்டிருக்கிறேன். ("மயங்கினேன் சொல்ல தயங்கினேன்", "நிவேதா", "ஊரு சனம் " அப்புறம் "இவள் மேகம் ஆக யாரோ காரணம்" என்ற வரி உள்ள பாட்டு போன்றவை(இதுக்கு ப்ரியா மெனக்கெட்டு விளக்கம் சொன்னதால மறக்க முடியலை! :‍))) அப்பொழுதும் பெரிதாக ஈர்ப்பொன்றும் ஏற்படவில்லை.
'இவங்களுக்கு எப்படி இவ்ளோ பாட்டு தெரிஞ்சுருக்கு' என்ற ஆச்சரியமே மேலோங்கியது! கல்லூரிக்குச் சென்றிருந்ததால், கொஞ்சூண்டு சுதந்திரம் கிடைத்திருந்தது. அப்போதோ, எனக்கே தமிழ்பாடல்களை வீட்டில் ஒலிக்க விட்டு கேட்க சங்கோஜமாக இருந்தது. அது இன்று வரை தொடர்கிறது. இன்றும் கூட, என் குடும்பத்தினர் முக்கியமாக பெரிம்மா/ஆயா  முன்னால் டிவியில் தமிழ் திரைப்பட பாடல்களை பார்க்க முடிந்ததில்லை.

திருமணத்துக்குப் பின், இதுவே ஒரு பெரிய பிரச்சினையாக இருந்தது. காலையில், அதுவும் எழுந்தவுடனே டீவியை ஆன் செய்யும் பழக்கம் இருந்ததேயில்லை. ஆனால், அடுத்தப்பக்கமோ அப்படி இல்லை. அங்கு அவர்கள் அனைவரும் காலையிலேயே காபி குடிப்பதுபோல, டீவி அதுவும் ஏதாவது பாடல் சேனலை வைத்துவிடுவார்கள். என்னால், இதற்கு அட்ஜஸ்ட் செய்துக்கொள்ளவே முடிந்ததில்லை. காலை நேரத்தை, ஒரு கன்றாவி டீவி பாடலால் வீணாக்கிக்கொள்வதை அனுமதிக்கவே முடிந்ததில்லை. டீவி என்பது ஓய்வு நேரத்தில் மட்டுமே என்ற கட்டுப்பாடுடன் வளர்க்கப் பட்டிருந்ததாலோ என்னவோ, தனியாக இருந்தால் கூட காலை நேரத்தில் டீவி பார்த்ததில்லை.  சரி, அது போகட்டும், பாடலுக்கு வருவோம்....

இந்த தமிழ்பாடல்கள் எத்தனை லட்சக்கணக்கில் இருந்தாலும் அவை எல்லாம் ஒரு பெண்ணை கட்டிலில் வீழ்த்துவதையே ஏன் நோக்கமாகக் கொண்டிருக்கின்றன? கருப்பு வெள்ளைப்படங்களைப் பற்றி எனக்குத் தெரியாது. ஆனால், இந்த 80கள் பாடல் முதல்....இன்று வரை!?! 

குடும்பத்தோடு  பார்க்க அபத்தமானவற்றை/அருவருப்பானவற்றை/இரட்டை அர்த்த வரிகளை எப்படி நாம்  குழந்தைகள் முதல் அனைவரும் கூச்சமின்றி கேட்கிறோம் /பார்க்கறோம் என்பது புரிந்ததேயில்லை. இதனாலேயே, இந்தபாடல்கள்தான் ஏதோ ஒரு 'கலாச்சாரம்' என்றோ 'மறுமலர்ச்சி' என்றோ சொல்வதை ஏற்றுக்கொள்ளவும் முடியவில்லை. அவற்றை என்னால் கொண்டாடவும் முடிந்ததில்லை. ஆனால், இது நிச்சயமாக என்னுடைய லிமிட்டேசன் மட்டும் இல்லை.


பிகு: இந்த பதிவு இளையராஜாவுக்கு எதிரானதில்லை என்றும்  நான் வளர்ந்த காலகட்டத்தில் வெளியான, பொதுவான‌ தமிழ் திரைப்பட பாடல்கள் பற்றி என்றும்  புரிந்துக்கொள்ளவும்.

பாடல் அறிமுகம் - ”சோலை மலரே”

பாட்டு கேட்பேனேயொழிய பாடுவதற்கு சுத்தமாக வராது. அப்படியே பாடினாலும் ஒரிஜினல் பாடல் எது என்பதை கண்டுபிடிக்க போட்டியே வைக்கலாம்.
அம்மா நன்றாக பாடுவார்கள். திருவருட்பாவெல்லாம் பாடி போட்டியில் வென்றதாக கதையெல்லாம் கூறினாலும் பாடுவதற்கு,ஆடுவதற்கு எனக்கு ஏனோ ஆர்வமில்லை. இந்த அழகில் பப்புவுக்கு தாலாட்டெல்லாம் நோ வே! ஆனால், சில நண்பர்கள் அவர்களது குழந்தைகளுக்கு தாலாட்டெல்லாம் கற்றுக் கொண்டு பாடுவதாக சொன்னதும் என்னால் நம்பமுடியாமல் இருந்தது. எனக்குத் தெரிந்ததெல்லாம், பப்பு அழுதால் “ரே ரே ரே” என்று மட்டும் (ஏதோ ஒரு ராகத்தில்)தேஞ்சு போன ரெக்கார்டு போல சொல்லுவேன். அவ்வளவுதான்.


ஆயாதான் ஏதோ ஒரு சில தமிழ்பாடல்கள் பாடுவார். பிறகு, கே பி சுந்தராம்பாள் மற்றும் எம் எல் வசந்தகுமாரி. சீர்காழி அவர்களின் தமிழ்பாடல் சிடி இருந்தால்
வாங்கிவருமாறு\ சொன்னார். பப்புவுக்கு காலையிலும் மாலையிலும் அழும்போதும் அந்த சிடிதான். அதன்பிறகு பப்புவே பார்த்த முதல் நாளேவும், அன்பே வா முன்பே வாவும் பார்க்கவும் பாடவும் கற்றுக்கொண்டதில் அந்த சிடி காலப்போக்கில் அழிந்துபோனது. இப்போது ஒரு நல்ல பாடல் கிடைத்துள்ளது, தூங்க வைக்கவும் அதே சமயம் தூக்கத்திலிருப்பவர்களை எழுப்புவதற்கும்!


தோழர் போதெம்கின் பப்புவுக்காகக் கொடுத்த பாடல் சுட்டிதான் அது!. பாரதிதாசனின் பாடல், “சோல மலரே”. இதுதான் பப்புவின் தற்போதைய தாலாட்டுப் பாடல். ஆச்சி, பெண் குழந்தைக்கு பாடல் வைப்பா, சோல மலரே” என்று அவளே என்னிடமிருந்து பிடுங்கி அந்த பாடலை வைத்துவிடுகிறாள். கண்டிப்பாக உறங்கும்போது அந்த பாடல் அவசியம் அவளுக்கு. விளக்கை நிறுத்திவிட்டு, படுக்கையில் செட்டிலான பிறகு இந்த பாடலைக் கேட்டுக்கொண்டிருப்போம். கூடவே பாடவும் தலைப்படுவாள்.
அறிமுகப்படுத்திய தோழருக்கும் எம்பி3 ஆக அனுப்பி வைத்த தோழருக்கும் நன்றி! :-)


Solai Malarae by sandanamullai


’சாணிக்கு பொட்டிட்டு’ என்பது அவளுக்கு புரியவில்லை. விளக்கிச் சொன்னதும் அவளுக்கு நம்ப முடியவில்லை. அய்யே சாணி என்றாள். அதே சமயம், சாமிக்காக மிகவும் வழக்காடுவாள். சாமிதான் நமக்கு எல்லாம் தருது, அதுதான் அரிசி, சாம்பார் எல்லாம் தருது என்றெல்லாம் சொன்னபோது மிகவும் ஆச்சரியமாக இருந்தது.(வடலூர் ஆயா புண்ணியம்!)


அதே போல ’வேண்டாத சாதி’ என்பதும். எனக்கும் எப்படிச் சொல்வதென்று தெரியவில்லை. (நான் எதையாவது சொல்லி அவள் வேறு யாரிடமாவதுஏதாவது கேட்டு வைக்கப்போகிறாள்...)வீட்டுக்கருகில் இருக்கும் ஒரு சூப்பர் மார்க்கெட்டுக்குச் சென்றிருந்தோம். பில் கொடுக்கும் இடத்தில் “கஸ்டமர்களிடம் பணத்தை வலதுக்கையால் கொடுக்கவும். வாங்கும்போதும் வலதுகையால் வாங்கவும்” என்று சிவப்பு மார்க்கரால் எழுதியிருந்தது. எதற்காக இப்படி தனியாக எழுதி வைக்க வேண்டுமென்று கேட்டபோது, கவுண்டரிலிருந்தவர் சொன்னார், ”அது ஒரு பெரிய பிரச்சினைங்க, ஒருத்தங்க சண்டை போட்டுட்டு பெரிய பிரச்சினையாக்கிட்டு போய்ட்டாங்க, நாங்க அவசரத்தில எந்த கையில கொடுப்போம்னு தெரியாது, பிராமின் அவங்க, ரைட் ஹாண்ட்லே கொடுத்தாத் தான் பணத்தை வாங்குவோம்னு பிரச்சினை, எங்களுக்கு ஒரே திட்டு... அதிலேருந்துதான் இந்த நோட்டீஸ்” என்றார். அவசர கதியில் வேலை செய்துக் கொண்டிருப்பவர்களிடம் சென்று இந்த கையால் கொடுத்தால்தான் வாங்குவேன் என்பதும் அதற்காகச் சண்டை போடுவதும்.... அதிர்ச்சியாக இருந்தது. வேறு நாட்டுக்குச் சென்றாலும் இதே போல்தான் சண்டை போடுவார்களா என்றும் கேள்விகள்...

ஆனால், ஒன்று மட்டும் உறுதியானது, பப்புவுக்கு சாதியைப் பற்றி நான் எதுவும் விளக்கிச் சொல்ல தேவையேயில்லாமல் புரிந்துவிடுமென்று.....

பாடல் அறிமுகம் - “பாரடா உனது மானிட பரப்பை”

பாடல்களை/இசையை இதுவரை எனது உள்ளார்ந்த உணர்வுகளுக்காகவும், பொழுதுபோக்காகவும், சிலசமயத்து அற்ப உணர்வுகளுக்காகவும கேட்டு வந்திருக்கிறேன். ஒரு பதிவில் தோழர் போதெம்கின் (தோழர் கோவன் பற்றிய இடுகை என்று நினைக்கிறேன்) அவர்கள் சில பாடல்களை அறிமுகப்படுத்தினார். கேட்கும்போது மிகுந்த மனவெழுச்சியை தந்த, உணர்வுகளை தட்டியெழுப்பிய பாடல்.

Paarada Unathu Maanida Parappai - 1 by sandanamullai

தேர்தல் போய் தேர்தல் வந்தாலும் தொழிலாளர்களின் வாழ்க்கைநிலை மாறிவிடுமா? நாடோடிகளாக பிழைப்பு நடத்தும் மக்களின் அவலம்தான் தீர்ந்துவிடுமா? இந்த தொழிலாளிகளின் உடலுழைப்பில் வந்த கட்டிடங்களில் அமர்ந்துக்கொண்டிருக்கும் நம்மில் பலருக்கு அவர்களைப் பற்றி நினைத்துப்பார்க்க முடிகிறதா? ”அதெல்லாம் அவங்கவங்க விதி” என்று ஒற்றை வார்த்தையில் அடக்கும் சாமர்த்தியமும், ”அதுக்குத்தான் அவங்களுக்குன்னே நிறைய ஸ்கீம் இருக்கே, ஒரு ரூபா அரிசி ….இப்போ வீடுன்னு நிறைய சலுகை கொடுக்கறாங்களே” என்றும் ’கருணை’யும்தானே நம்மில் பெரும்பான்மையினருக்கு இருக்கிறது? ”நம்ம பொழப்பையே பாக்க முடியல, இதுக்கு மேல நாம் என்ன செய்துவிட முடியும்” என்று நம்மை நாமே சமாதானப்படுத்திக்கொள்வதோடு முடிந்துவிடுகிறது – நமது சமூக பொறுப்பு!

தன்னலம் பாராமல், மக்களோடு இணைந்து போராடுவதே உண்மையான நேசமாக இருக்க முடியும். மதம், இனம், நிலம், வர்க்கம் பாராமல் கொடுமை களுக்கெதிராகவும் வன்முறைகளுக்கெதிராகவும் நிற்பதே விடுதலைக்கான செயல்பாடாக இருக்கும். தமது சொந்த அற்ப சுகங்களை முன்னிறுத்தி அடிமைகளாக வாழாமல், தாம் சுரண்டப்படுவதை அறியாமல் வாழும் மக்களை அரசியல் உணர்வு பெறச்செய்வதே நமது கடமை.

இப்பாடலின் மற்றொரு வெர்சனும் இருக்கிறது. அப்பாடலைப் பற்றி அடுத்த இடுகையில் பகிர்ந்துக்கொள்கிறேன். பாரதிதாசன் பற்றி பெரிதாக எதுவும் தெரியாது - அவர் பாரதியாரால் கவர்ந்திழுக்கப்பட்டு தனது பெயரை மாற்றிவைத்துக்கொண்டார், மரபுக்கவிதைகள் எழுதுவார் என்பதைத் தவிர! பாரதியார் அளவுக்கு பாரதிதாசனை நமது பாடநூல்களும், மற்றநூல்களும் கண்டுக்கொள்வதில்லையோ?!

மழைக்கால பாடல் ஒன்று - பப்பு பாடியது....

Yazh060 1 by sandanamullai

(பாடல் வரிகள், இசை - பப்பு)

ஜன்னல் வழியாக மழையை பார்த்துக்கொண்டிருந்தாள், பப்பு . லேசாகத் தூறிக் கொண்டிருந்த மழை பலத்து பெய்யத் துவங்கியது. "Oh, my god, this rain sooooing' (soooo - 'ச்சோ') என்று ஆச்சர்யப்பட்டு, மழையிடம் இந்த பாடலைப் பாடினாள்.

ஓ மேரே சோனா ரே....

ஒண்ணாம் தேதி காசு பத்தி எழுதினதும் அமைதிச்சாரல் தங்க விருதை வழங்கியிருக்கிறார். மிக்க நன்றி அமைதிச்சாரல். :-)

விருதை இவர்களுடன் பகிர்ந்துக் கொள்கிறேன்!

ஜெயந்தி

அம்பிகா

நசரேயன்

நிஜமா நல்லவன்

சின்னு ரேஸ்ரி

மற்றும்

பிங்கி ரோஸ்


அந்த கோல்ட் ஈஸ் ஓல்ட் ஆகிட்டதால இந்த ஓல்ட் ஈஸ் கோல்ட் ....ஹிஹி

From my playlist

கண்டுபிடிக்க முடியுதா?

The Wonders மற்றும் BSB இன் இந்த பாடல்கள் நினைவூட்டும் தமிழ் பாடல்கள் எவை?

courtesy : you tube

பப்பு டாக் & ali haider song!!

பப்பு கத்திரிக்கோல் எங்கே?

தெரியலயே..

நேத்து கட் பண்ணிட்டு இங்கேதானே வச்சேன்? பார்த்தியா?

இல்ல நான் பாக்கல!

சிறிதுநேரத்தில் ஆயாவின் அலமாரியிலிருந்துக் கிடைக்கப் பெற்றது!!

இருக்கு பப்பு, ஆயாகிட்டே இருந்துச்சு!!

நீதான் எங்கேயாவது தொலைச்சிட்டியோன்னு நினைச்சேன்...சாரி ஆச்சி!!

அவ்வ்வ்வ்வ்வ்வ்!!




பப்பு சீக்கிரம் சாக்ஸ் போடு!

......


போட்டுட்டியா?!

......


ஆயா : இதோ, நான் வந்துப் போட்டுக்கறேன், என்னைக் கூப்டுக்கிட்டு போ!

பப்பு: ஆச்சி யாரோட அம்மா?

(சிலசமயங்களில், ஆச்சி உங்க அம்மாவா? என்றும் மாறும்! ஆச்சி பப்புவின் அம்மா, ஆயாவின் அம்மா இல்லை, அதனால் ஆச்சி சொல்வதெல்லாம் பப்புவிடமே..(அதை நாங்கக் கேட்கமாட்டோம் அது வேற விஷயம்!)..மேலும் ஆச்சியோடு செல்லும் உரிமை பப்புவிற்கு மட்டுமே என்பது உள்ளர்த்தம்!)

90களில் உங்கள் பதின்மங்களைக் தொலைத்திருப்பீர்களேயானால், இந்தப் இந்திப் பாப்பாடலை கண்டிப்பாக ரசித்திருப்பீர்கள்! அலி ஹெய்தரின் மற்றப் பாடல்கள் பிறிதொரு பதிவில்! அதுவரை, இப்பாடலைக் கேளுங்கள்!!

O Sanam...teri yadoon ki kasam - லக்கி அலி!!

லக்கி அலி!1996-ல் வெளிவந்த சுனோ (Sunoh) தான் இவரது முதல் ஆல்பம். இவரது ஆல்பங்களில் தெரிந்த தனித்துவமும், பாடும் விதத்தில் இருந்த ஸ்டைலும்..இவரது அடையாளம். அடுத்து முக்கியமாக சொல்லவேண்டியது அவரது பாடல்கள் காட்சியமைக்கப் படும் விதம்! ஒருவித wanderness, தனிமை..எதையோ தேடியலையும் நாடோடித்தனம்...இந்தமாதிரி தான் தீம்! சுனோ-வில் என் மனம் கவர்ந்த.. எனக்கு மட்டுமல்ல..அப்போது V-channel-ல் எப்போதும் போடும் பாடல், O sanam!
பிரமிடுகளிடையே தேடியலையும் காட்சிகள்..ஒரு பெரிய வளையத்துடனான சாவி..ஹஸ்க்கி வாய்ஸில் பாடல்..இதுதான் ஓ சனம்!எனது பெரும்பான்மையான் சாயங்கால/பின்னிரவுப் பொழுதுகளை நிரப்பியது இப்பாடலே! சொல்வதைவிட, கேட்டலே நன்று!!

Get this widget | Track details | eSnips Social DNA

ஓ சனம் பாடலில் வரும் புர்க்கா அணிந்தப் பெண் இவரது மனைவி! லக்கி அலியின் தந்தை ஹிந்தி படவுலகில் முக்கியமானவ்ர். விக்கிபீடியாவில் தேடினால் மேற்செய்திகள் கிடைக்கலாம்! ஹிந்திப்படங்களிலும் பின்னனி பாடியிருக்கிறார். கஹோ நா பியார் ஹே - ஹ்ரித்திக்-கின் படமென்று நினைக்கிறேன்!

எனது டாப் 10 பாப் பாடல் பட்டியலில் ஓ சனம் என்றும் இடம் பெற்றிருக்கும்!! More on Lucky Ali later!

ஒரு சோனி வாக்மேனும் சில சென்டிமென்ட்-களும்

ஸ்கூல் படிக்கும்போது எங்களிடம் ஒரு வாக்மேன் இருந்தது. எங்களிடம் என்றால் எனக்கும், என் தம்பிக்கும் சேர்த்து!வீடீயோகான் என்று நினைக்கிறேன். அதை எந்தளவுக்கு உபயோகிக்க முடியுமோ அந்தளவுக்கு தேய்த்தாயிற்று. காலேஜ்-க்கு ஹாஸ்டலுக்கு போகும்போது கண்டிப்பாக அதை எடுத்துச் செல்ல முடியாது. ஆனால், நான் வாங்கியிருந்த கேஸ்ட்-டுகளை எடுத்து பெட்டியில் போட்டுக் கொண்டேன். (என்ன ஒரு நல்லெண்ணம் பாருங்க, என் தம்பி கேட்டுடக் கூடாதாம், என்னோட கேஸ்ட்-களை!)

புது வாக்மேன் வேண்டுமெனக் கேட்டதற்கு, படிக்கத்தானேப் போறே, அப்புறம் வாங்கிக்கலாம் என்று வீட்டிலிருந்து பதில். நானும் ஓக்கே என்று ஒரு சோக முகத்தை காட்டிவிட்டு, பேக் செய்த காசெட்டுகளை எல்லாம் வைத்துவிட்டு சென்றேன், ஒரே ஒரு கேசட்டைத் தவிர.அது Khamoshi. ஒரு மாதம் சென்றது. ஒரு நாள் மதியம் மெஸ்ஸில் சாப்பிட்டுக் கொண்டிருந்த என்னை வார்டன் வந்து பார்த்துட்டு போ என்று சொன்னபோது வழக்கம் போல் கடிதம் என்று நினைத்துப் போனவளை வரவேற்றது நீட்டாக துணியின் ஓரங்கள் தைக்கப்பட்ட ஒரு பார்சல். வாவ்! பெரிம்மாவிடமிருந்து! பிரித்த போது வந்து விழுந்தது, பேரிச்சம் பழ பேக்கட்டுகளும், காய்ந்த திராட்சையும், ஒரு சோனி வாக்மேனும், என் பேவரிட் கேசட்டுகளும் மற்றும் ஒரு லெட்டரும்.

dedicating this song to my perimma,The wonderful personality I have by myside!


Get Your Own Hindi Songs Player at Music Plugin

பி.கு. அந்த வாக்மேன் இப்போது உபயோகிப்பாரற்று, பெட்டியிலிருந்தது ஹெட்போன்கள் பழுதடைந்து!. அதைப் பார்த்தபோது நினைவுக்கு வந்த கொசுவத்தி!

அனைடா(Anaida)- Nazuk Nazuk லட்கி

அனைடா (Anaida) - இன்னொரு பாப் இளவரசி!
இவரும் 90-சில் அறிமுகமாகி ஒரு ரவுண்ட் வந்தவர். ஐந்து அல்லது ஆறு ஆல்பங்களும், படங்களில் பின்னணியும் பாடியவர். என்ன சிறப்பென்றால், தனியாக ஆல்பங்கள் செய்தார். அலிஷாவுக்கு ஒரு பித்து(Biddu) கிடைத்தது போல!! அவ்வளவாக அவரது இசை என்னை இம்பெரஸ் செய்யா விட்டாலும், ஒரு சில பாட்டுகளை விட்டுவிட முடியாது! ஷூக்ரி (Shukri) எனும் அரேபிய பாடகருடன் ஒரு அராபிக் ஆல்பத்தை வெளியிட்டார்.(didi பாடிய காலித்-ஐ மறக்க முடியுமா!)




பாபா சேகலுடன், லயன் கிங் படத்துக்கு ஒரு பாடலை பாடினார். அந்த இரண்டை தவிர ஒவ்வொரு ஆல்பத்திலும் ஒரு பாடல் மட்டுமே என்னை ஈர்த்தது. மிகவும் மைல்டான லுக்..gentle and innocent பார்ப்பதற்கு! Love Today Hai Nahi Aasaa - முதல் பாடல்.
அடுத்த ஆல்பத்தில், Nazuk Nazuk main ladki.





oova oova பாடலும் நன்றாக இருக்கும்.




ஷூக்ரியுடன் o malu malu,



அரபியின் அர்த்தம் புரியாவிட்டாலும், பாடுவது மிகவும் இனிமையாக இருக்கிறது! How sweet the language is!!

Funky பாபாவுடன் Hakuna Matata,

Hakuna Matata.mp3

SRK

முன்பதின்மங்களில் எனை மிகவும் ஈர்த்த பாடல்!!
what a die-hard fan of SRK I was!!






நானும் என் தம்பியும் உபயோகித்த பிரம்பு நாற்காலியை பப்புவிற்காக கொண்டு வந்திருக்கிறார்கள் என் பெரிம்மா, அதோடு நினைவுகளையும்!!
அதான், கொஞ்சம் நாஸ்டால்ஜிக்!!

ராகேஷ்வரி aka ராக்ஸ்

என் பதின்மங்களில் கோலோச்சிக் கொண்டிருந்த இந்தி பாப் உலகில்,
தடாலடியாக வந்து கலக்கியவர், ராகேஷ்வரி, இசையும் இளமையுமாக!!
எனர்ஜ்ட்டிக்கான இசை, இளமை துள்ளும் குரல், மாலத்தீவுகளில் எடுக்கப்பட்ட
வீடியோ என எல்லா அம்சங்களையும் கொண்டிருந்தது துனியா!!
அதுவும், "மேனே தேக்கா ஹா சபி ரங்க் துனியா கே ", என் ஆல் டைம் ஃபேவரிட்!!



அவருடைய ஆல்பங்கள் கொஞ்சம் சமூக அக்கறை, குழந்தைகள் நலன், தேசப்பற்று
என எல்லா மசாலாக்களுடனும் இருக்கும். அதில் ஒருவர் வயதான தாத்தா (த்ரிலோக்?)
வருவார்..அப்பா என நினைக்கிறேன்!!

தொடர்ந்து இரு ஆல்பங்கள் கொடுத்த ராகேஷ்வரி, 2000-க்குப்பின்
உடல்நலக் குறைவு காரணமாக இசையை தொடரவில்லை.




இப்போது எப்படி இருக்கிறார், என்ன ஆல்பம் என ராக்ஸின் விசிறிகள் யாராவது
சொன்னால் மகிழ்ச்சியடைவேன்!!

RagZ..come back ..We all want you on the stage!! Come back Ragz!!

எனக்குப் பிடித்தமான பாடல்களில்....

இதுவும் ஒன்று!!

Words - Bee Gees



Smile an everlasting smile
A smile could bring you near to me
Don't ever let me find you gone
'Cause that would bring a tear to me
This world has lost it's glory
Let's start a brand new story
Now my love right now there'll be
No other time and I can show you
How my love
Talk in everlasting words
And dedicate them all to me
And I will give you all my life
I'm here if you should call to me
You think that I don't even mean
A single word I say
It's only words, and words are all
I have to take your heart away
You think that I don't even mean
A single word I say
It's only words, and words are all
I have to take your heart away
It's only words, and words are all
I have to take your heart away

பப்பு டைம்ஸ்

ஊருக்கு உபதேசம்??

பப்பு வீட்டிற்கு வெளியில் நின்றுக் கொண்டு வேடிக்கை பார்த்துக் கொண்டிருந்தாள்.
அப்போது ஒரு நாய் சிறுநீர் கழிப்பதை பார்த்து விட்டு, கத்தினாள்

"பாத்ரூமுக்கு போ..பாத்ரூம்ல போய் உச்சா போ"

*************************************************

பப்புதான் அம்மா !!

பப்புவின் தற்போதைய அபிமான விளையாட்டு இது!

ஆபீஸ் செல்வது, அதுவும் ஒரு துண்டினை அணிந்துக் கொண்டு. (அதன் பெயர் "தொப்பட்டா", அவளது மொழியில்) என்னிடம், "நான் ஆபீஸ் போறேன், அழாம வீட்டில அத்தை கூட இரு! " என்று சொல்லிவிட்டு இரண்டு அடிகள் செல்வது. பின், என்னிடம், "பப்பு வேணும்னு அழு!!" என்பது. நான் அழுவது போல், பாவனை காட்டியதும், "சாயங்காலம் வந்துடுவேன்,
அழாம இரு!!" என்று சொல்லிவிட்டு, திரும்பி வருவது!!

"ஆபீஸ்ல் போய் என்ன பண்றே"

"தூங்கறேன்!" - character assassination !?!

*************************************************



பப்புவை ஆட வைக்கும் இசை, கடந்த சில வாரங்களாக :

ஹல்வா வாலா ஆகையா...

நான் முதன்முதலில் பார்த்த இந்திப்படம் என நினைக்கிறேன்.
இந்த பாடல் மட்டுமே மனதில் நின்றது..மிகவும் பிடித்த பாட்டு!
படத்தை ஃபாலோ பண்ணக்கூட தெரியாத வயது!!
கேட்க ஆசை வந்தது திடீரென!!

"அக்கம்-பக்கம் அக்கா" வும் குர்-குரே ஆன்ட்டியும்

பப்புவிற்கு அக்கம் பக்கம் பாட்டு மிகவும் பிடிக்கும்.
த்ரிஷாவையும்!! "அக்கம்-பக்கம் அக்கா" என்பது த்ரிஷாவுக்கு பப்பு வைத்திருக்கும் பெயர்.



பப்பு குரலில் "அக்கம் பக்கம்" !!


ஃப்ளாஷ்பாக்

சிறுவயதில் (பள்ளி நாட்களில்) என்னை கவர்ந்த நடிகை ஜூஹி சாவ்லா! 90களில் மிஸ்.இந்தியாவாக வலம் வந்தவர். ஷாருக்-ஜூஹி காம்போ ம்ம்..!! ஆனால் இப்போது, ஜூஹியை குர்-குரே விளம்பரத்தில் பார்க்கும்போது...ம்ம்..
எப்படி இருந்த நீ இப்படி ஆயிட்டியே!! (பிடித்த நடிகையை மார்க்கெட் போனபிறகு சீரியலில் பார்ப்பது போல) Dar படத்தில் இந்தப் பாடலில் ஜூஹியை எத்தனை முறை வேண்டுமானால் பார்க்கலாம்.





எதிர்காலத்தில் த்ரிஷாவும் குர்-குரேயை விளம்பரப்படுத்தலாம், யார் கண்டது!!

Mahia - பாடல்

ஃபார்வர்ட் மெயிலில் வந்த பாடல்.
IIT பெண் என்று ஒரு சிலரும், பாகிஸ்தான் பாடகி ஆனி என்று பலரும் இந்த பெண்ணின் பூர்விகம் பற்றி அடித்துக் கொள்கிறார்கள். யாராயிருந்தாலென்ன..
அந்த குரலும், பாடும் ஸ்டையிலும், நடன அசைவுகளும் நம்மை கட்டிப்போடுவதை மறுக்கமுடியாது!! தினமும் ஒரு தடவையாவது கேட்டு விடுவேன்!!




பாடல் வரிகள்
------------


i wish u could see urself the way i see ya
u shine juss like a star mahia
cuz ur my only pyar mahia

maine tujh ko he dil may basaya
tu hi mera pyar mahia X2

tu nay aisee adda say mujhay dekha
dil ho gya nisaar mahia
tu hi ha mera pyar mahia x2

tu nay aisee adda say mujhay dekha
dil ho gya nisaar mahia
tu hi ha mera pyar mahia x2

y dont u tell me mahi
ma mid at ease
how do u wish to see the loyalty in me
appnee wafa iqrar kya karoon
mar jaoon hudh ko jo tujh say juda karoon

tu nay aisee adda say mujhay dekha
dil ho gya nisaar mahia
tu hi ha mera pyar mahia x2

mahai u r i set ma soul on fire
i felt juss like a rose mahia
when i was in ur arms mahia

i cant imagine that like without u where i'd be
im ur lady i'll go where ever u take me
terey beghair jeenay ki khaish nahin
main terey saath hoon lay chal mujh ko kahin

tu nay aisee adda say mujhay dekha
dil ho gya nisaar mahia
tu hi ha mera pyar mahia x2

mahia ur i set ma soul on fire
i felt juss like a rose mahia
when i was in ur arms mahia

i don't care where we go or stay or wut we do
ill take u r bain consider becuz i love u
jaisay bhi haal main rakhoo gay main rahoon
dukh bhi milay to pyar main haans kay sahoon

tu nay aisee adda say mujhay dekha
dil ho gya nisaar mahia
tu hi ha mera pyar mahia x2

i wish u could see urself the way i see ya
u shine juss like a tar mahia
ur my only pyar mahia

maine tujhh ko he dil may bhasaya
tu hi mera pyar mahia X2

mahai ur i set ma soul on fire
i felt juss like a rose mahia
when i was in ur arms mahia

சில பாடல்களில் சில வரிகள்

ரசித்து கேட்கும் பாடல்களில் சிலவரிகள் மட்டும் மனதில் தங்கி விடுவதுண்டு.
வண்டி ஓட்டும்போதோ, டீம் மீட்டிங்கில் பேச்சு சுவாரசியமற்று திசை திரும்பும்போதோ, எதோவொரு அறியாத தருணத்திலோ இவ்வரிகள் ஞாபகத்திலெழும். என்ன பாடலென்று தெரியாதபோதோ, மண்டையை குடைய வைக்கும்!

குல்மொஹர் மலரே குல்மொஹர் மலரே கொல்லப் பார்க்காதே
உன் துப்பட்டாவில் என்னை கட்டி தூக்கில் போடாதே

சினிமா பாடல்களில் சேலையும், சேலையின்யின் முந்தானையும் பாடப்பட்ட அளவுக்கு, ஏன் துப்பட்டா இடம் பெறவில்லை?(ம்ம்..ரொம்ப முக்கியம்!!)
சல்வார்தான் பெரும்பாலும் அணியப்படுவதாய் இருந்தாலும்! ஆனாலும்,ஒருசில பாடல் வரிகளில்தான் துப்பட்டாவை பார்க்கமுடிகிறது! முந்தானை ஈர்த்த அளவுக்கு துப்பட்டா ஈர்க்காததிற்கு என்ன காரணமோ....(சினிமாப் பாடல்) கவிஞர்களைத்தான் கேட்க வேண்டும்!!

இருக்கும் கவிஞர்கள் இம்சை போதும்..என்னையும் கவிஞன் ஆக்காதே....

மிகவும் ரசித்த வரி இந்த பாடலில்!
கொஞ்சம் யோசித்துப் பார்த்தால் எல்லா பாடல்களும் இதைத்தானே சொல்கின்றன வெவ்வேறு வார்த்தைகளில் காலம்காலமாக!!காதல் வந்ததும் பாடல் பாட வேண்டிய கட்டாயத்திற்கு தள்ளப்படுகிறார்கள் நம் கதாநாயகர்கள் சங்ககாலத்திலிருந்தே!

ஹாஸ்டலில் பொழுது போகாத எதோவொரு ஞாயிற்றுக்கிழமைப் பொழுதினில், விட்டேற்றியாக
தோழிகளுடன் அமர்ந்து நேரத்தை விரட்டிக்கொண்டிருக்கையில் காதில் விழுந்தது எவரோ ஒலிதானம் செய்த"இருபது கோடி நிலவுகள்" பாடல். அதில்,

மானிட பிறவி என்னடி சிறப்பு
உன் கால் விரல் நகமாய் இருப்பது சிறப்பு!

என்றும்

நூறு கோடி பெண்கள் உண்டு, உன் போல் யாரும் இல்லயே!!

என்றும் பாடல் வரிகள்.

"இதையே சொல்லிகிட்டு கிடங்கடா, காலங்காலமா" என்று அலுப்பாய் சொல்லிவிட்டு துணி அலச சென்ற கல்பனா ஏனோ நினைவுக்கு வந்தாள்!