முதல் காயம்....

விண்ணப்ப படிவங்களை பூர்த்தி செய்யும்போது, தவறாமல் கேட்கப்படும் கேள்வி,
அடையாளங்கள். பொதுவாக, தழும்புகள் மச்சங்கள். எனக்கு தழும்புகளுக்கு
குறைவிருந்ததில்லை, கைகளிலும், தாடையிலும்!

பள்ளியில் சேர்க்கும்போது, பப்புவிற்கு என்ன அடையாளங்கள் சொல்லமுடியும்..
என அவ்வப்போது நான் யோசித்ததுண்டு! இடது கண்ணுக்கு கீழ் ஒரு மச்சமுண்டு!!
சரி, அது போதுமா.குறைந்தது இரண்டாவது கேட்பார்களே.....என் மனதில் எழும்
சிறு நினைப்பு!!

இப்போது அந்த கவலையில்லை...:(

பப்பு நாற்காலியிலிருந்து விழுந்து, தாடைக்குக் கீழ் ஒரு வெட்டு..மூன்று தையல்கள்!!

நேரம் - பள்ளி சேர்வதற்கு ஒருநாள் முன்பு (7/7/2008) !!

குறிப்பு : பப்புவின் முதல் காயம்....@ 2 வயது 8 மாதங்கள்!!


ப்ளாஷ்பேக் :

மாடி கைப்பிடியிலிருந்து சறுக்குவது, சில பிள்ளைகளிக்கு த்ரில்லிங் விளையாட்டு!!
குடும்ப நண்பரின் வீட்டிற்கு சென்றபோது, அந்தவீட்டுப் பெண் மாடிப்படி கைப்பிடியிலிருந்து
சறுக்கிக் கொண்டிருந்தாள். என்னை அழைத்தாள். நான் தயங்கவே, நான் உனக்கு பின்னாலிருந்து
பிடித்து கொள்கிறேன்..ஒன்னும் ஆகாது, ஜாலியாக இருக்கும் என்றாள். நானும் ஏறிக்கொள்ள,
வழுக்கிக்கொண்டே சென்றது. கடைசியில் அவள் இறங்கிக்கொள்ள, எந்த பிடிமானமும் இல்லாமல், நான் விழுந்து விட்டேன். தாடையில் வெட்டு!! என் முதல் காயம்..நினைவு தெரிந்து!! அந்த அத்தை காயத்தில், காபிப்பொடி வைத்து விட ஒரே எரிச்சல்..அழுகை!! டாக்டரோ திட்டோ திட்டு!!பிறகென்ன..அதே மூன்று தையல்களோடு, அந்த காயம் விண்ணப்ப படிவங்களில் குறிப்பிடப்படும் அடையாளமாகிப் போனது!!