Saturday, February 12, 2011

வேளச்சேரி டைம்ஸ்: ம‌ருந்துக‌ளும், ம‌ருத்துவ‌மும் யாருக்கான‌வை?

ஆயாவிற்கு உடல்நிலை மிகவும் மோசமாக இருந்தபோது நடந்தது இது.சளியோடு, இன்னும் சில இன்ஃபெக்சன்களையும் அவர் கொண்டிருந்தார். பரிசோதித்த மருத்துவர், மருந்துகளை எழுதித் தந்தார். எப்போதும் அருகிலிருக்கும் மருந்துக்கடையில் வாங்குவதுதான் வழக்கம். மருந்துக்கடையில், அவர் எழுதித்தரும் அதே மருந்துகள் இல்லையெனில் அதே மருந்துக்கலவையில் மாற்று மருந்துகளைத் தருவார்கள். அது போன்ற சமயங்களில் டாக்டரிடமும் அந்த மருந்துகளை காண்பித்து உறுதிப்படுத்திக்கொள்வதும் வழக்கம். சமயங்களில், சரி என்பார். சில சமயங்களில் வேண்டாமென்றும், அவர் குறிப்பிட்ட‌ அதே மருந்தை வேறு இடங்களில்/கடைகளில் கிடைக்கிறதாவென பார்த்து வாங்கவும் சொல்வார்.இது வழக்கம்தான். (ஆயா, இதய நோயாளியாதலால் அவர் வாழ்வதே மருந்துகளின் உபயத்தில்தான். எனவே, எந்த ரிஸ்க்கும் எடுப்பதில்லை.)

இன்ஃபெக்சன் கல்லீரலில் இருப்பதாகவும், அது மைல்ட் டிபி என்றும் கணித்தார். அதற்காக இரண்டு மருந்துகளை எழுதித்தந்தார். அதோடு, ஒவ்வொரு நாளும் அழைத்து வந்து காண்பிக்கும்படியும்.மருந்துக்கடையில் அவர் எழுதித்தந்த மருந்துகள் சுத்தமாக இல்லை. அந்த மருந்துகள் வருவதில்லை என்றும் கூறிவிட்டார்கள். கண்ணுக்குத் தென்பட்ட மருந்துக்கடைகளில் விசாரித்தேன். அங்கும் இல்லை.சற்று நேரத்தில் அந்த வட்டாரத்தில் இருந்த அனைத்து கடைகளனைத்திலும் விசாரித்து முடித்திருந்தேன். எந்த மருந்து கடைகளில் இல்லை.

அப்படி கிடைக்காத பட்சத்தில், டாக்டரிடம் சொன்னால் அவர் மாற்றி எழுதித்தருவார். ஆனால்,இப்போதோ, அதே மருந்துதான் வேண்டும், அது சாதாரண மருந்துதான், எல்லா மருந்துக்கடைகளிலும் இருக்க வேண்டும் என்றும், பல பெரிய மருத்துவமனைகளில் இலவசமாகவே தரக் கூடியதுதான்,கண்டிப்பாக மருந்துக்கடைகளில் இருக்கும் என்றும் டாக்டர் உறுதியாகக் கூறினார்.. மருந்துக்கடைகளிலேயே, வேறு எங்கு கிடைக்குமென்று விசாரித்து அவர்கள் குறிப்பிட்ட பெரிய பெரிய மருந்துக்கடைகளிலும் விசாரித்தேன். டாக்டர் குறிப்பிட்ட ஒரு மருந்து(மாத்திரை) மட்டும்கிடைத்தது. விலை மிகவும் குறைவாக இருந்தது. பத்து மாத்திரைகள் முப்பது ரூபாய்க்குள்தான் என்று நினைவு. எங்கேயும் கிடைக்காததைப் பார்த்து, அது விலையுயர்ந்த மருந்துகள் போல என்று நினைத்துக்கொண்டிருந்தேன்.

கிடைத்த மாத்திரையை எடுத்துக்கொண்டு திரும்பவும் டாக்டரிடம் சென்றால்,அந்த மருந்தை தனியாக உட்கொள்ளக் கூடாது என்றும், கண்டிப்பாக இன்னொரு மருந்துடன்தான் உட்கொள்ள வேண்டுமென்றும் வேறு ஏரியாக்களில் முயற்சி செய்யும்படியும் கூறினார். அப்படி என்ன மருந்து அது, ஏழு மலை ஏழு கடல் தாண்டியும் கிடைக்காத மருந்து என்று ஆச்சரியம் மேலிட விசாரித்தப்போது, அது மிகவும் சாதாரண மருந்து, அதாவது விலை மிகவும் குறைவு என்பதால் ஸ்டாக் வைத்துக் கொள்வதில்லை, அதிக விலையுள்ள மருந்துகளுக்கே முக்கியத்துவம் கொடுப்போம் என்ற மாதிரி ஒரு மருந்துக்கடையில் பதில் வந்தது.

அடுத்த ஏரியாவிலும் கிடைக்காமல் வெறுத்துப்போய் மறுபடியும் டாக்டரிடம் வந்து சேர்ந்தேன். மருந்துப் பெயர்களை அடித்துவிட்டு, 'இந்த காம்பினேஷன்லே எந்த மருந்து கிடைத்தாலும் வாங்கிக்கொண்டு வாருங்கள்' என்று எழுதிக்கொடுத்தார். அது ethambutal 800+ வேறு ஒரு மருந்து. நினைவில் இல்லை.கடைசியில் இது மட்டும் வேறு ஏரியாவில் கிடைத்தது. mycobutal 800 & isokin 300. mycobutal 800, ஏழு மாத்திரைகளின் விலை, மொத்தமே ரூபாய் 15க்குள். சாதாரண மருந்து என்று சொன்னதன் அர்த்தம் இப்போது புரிந்தது. வழக்கமாக மருந்து வாங்கும் கடையில் குறிப்பிட்ட மருந்துகளைச் (அவர்களிடம் இல்லையென்றால்) சொன்னால் வரவழைத்து வைத்திருப்பார்கள். அவர்கள் சொல்லும் நாள் சென்று வாங்கிக்கொள்ளலாம். இந்த மருந்துகளை வாங்கி வைக்கும்படி கூறிவிட்டு கடுப்புடன் வந்துவிட்டேன்.

டிபி இன்ஃபெக்சனுக்கான மருந்து ஒரு மருந்துக்கடையில் கிடைக்காவிடில் கூட பரவாயில்லை,எந்த மருந்துக்கடைகளிலுமே கிடைக்காதது...இதில் அப்போலோ போன்ற மருந்துக்கடைகளும் அடக்கம்!அதுவும் விலை குறைந்த மருந்துகளை ஸ்டாக் வைத்துக்கொள்வதில்லை என்ற காரணம் வேறு....எனில், இந்த மருந்துக்கடைகள்தான் யாருக்கு? ஒரு பிராண்ட் இல்லையெனில், இன்னொரு பிராண்ட் மருந்தை எடுத்து தருபவர்கள் சப்ளையே இல்லை என்றும் ஸ்டாக் இல்லையென்றும் கூறுகிறார்களெனில் இந்த மருந்து உற்பத்தி கம்பெனிகளும்தான் யாருக்கு? இதே டாக்டரை பல மெடிக்கல் ரெப்புகள் படையெடுத்து வந்து சந்திப்பதை பார்த்திருக்கிறேன். அவர்கள் இப்படி சாதாரண மருந்துகளை லாபி செய்ய மாட்டார்களா?அரசு மருத்துவமனைகளை விட இந்த தனியார் மருத்துவர்களிடம் செல்லும் சாதாரண மக்களே அதிகம்.அதோடு, மருந்துக்கடைகள் என்பவை விலையுயர்வான மருந்துகளையே வைத்திருப்போம் என்றால் அதற்கு அர்த்தம் என்ன?

இந்த ஆதங்கத்தைக் நண்பரிடம் கொட்டிக்கொண்டிருந்தேன்.அவரது தம்பி மெடிக்கல் ரெப். மருந்துக்கம்பெனிகள்-‍‍>டாக்டர்கள்-> மருந்துக்கடைகள் இவர்களுக்கிடையே நிலவும் உறவு குறித்துக் கூறினார்.மருந்துக்கம்பெனிகள் டாகட்ர்களின் மொத்த‌ டேட்டாபேசை வைத்திருக்கின்றன. மெடிக்கல் ரெப்புகள் டாக்டர்களை சந்தித்து மருந்துகளை பரிந்துரைக்கும்படி கூற வேண்டும். அதோடு, ஆர்டரும் பிடித்து வரவேண்டும். இம்மருந்துக்கம்பெனிகள் மருத்துவர்களோடு உடன்படிக்கை செய்துகொள்கின்றன. சும்மா இல்லை, இரண்டு வருடங்களுக்கு இவர்களின் மருந்துகளை பரிந்துரைத்தால் விலையுயர்ந்த கார், ஐந்து வருடங்களெனில் ஃப்ளாட் என்று பரிசுகள். வாஷிங் மெஷின்கள், ஹோம் தியேட்டர் என்று நீளும் பரிசுப் பட்டியல்கள், வெளிநாட்டுச் சுற்றுலா மற்றும் அவர்களது கிளினிக்குக்குத் தேவையான எக்யூப்மென்ட்கள் என்று நினைத்துப் பார்க்க முடியாத அளவுக்கு நீளுகின்றன. இந்த மருந்துகளின் உண்மையான விலை கடையில் விற்கப்படும் விலையில் 30 சதவீதம்தான். மெடிக்கல் ரெப்புகளின் சம்பளமோ குறைவு. இப்படி ஆர்டர் பிடித்து வந்தால் அவர்களுக்கும் விதவிதமான பரிசுகள். கடைசியில், சுரண்டப்படுவதோ அப்பாவி நோயாளிகள்தான்.

இந்தியாவில் மருத்துவத் துறை வளர்ந்து வருகிறது என்று அவ்வப்போது பத்திரிக்கைகளில் வரும் செய்திகள்,அதற்கேற்றவாறு உலகின் பல மூலைகளிலிருந்தும் இங்கு வந்து சகல வித நோய்களுக்கும் சிகிச்சை பெற்று முகம் மலர சிரிக்கும் குழந்தைகள், ஆபரேஷன் செய்த தடமே இல்லாமல் மூட்டுவலி குணமாகும் மாயம், மெடிக்கல் டூரிசம்...... இப்பெருமைமிகு இந்தியாவில்தான் மலேரியா காய்ச்சலால் அதிகம் பேர் உயிரிழக்கிறார்கள்.( அதிகம் பேர் என்றால் தென்கிழக்கு ஆசியாவிலேயே 70 சதவீதம்.)போலியோவை இன்னும் முற்றிலும் ஒழிக்க முடியவில்லை. பெண்கள், குழந்தைப் பிறப்பின்போது எமர்ஜென்சி உதவி இல்லாமல், அவசியமின்றி உயிரிழக்கிறார்கள்.

எனில்,ரன்பாக்ஸிகளும் கேடிலாக்களும் கேஃபிலாக்களும் அப்பாவி நோயாளிகளின் பிணி தீர்க்கவா மருந்துகளைத் தயாரிக்கின்றன?சாதாரண மக்களுக்கா? சாதாரண மக்களுக்கு வரும் சாதாரண நோய்களுக்கா?

11 comments:

எண்ணத்துப்பூச்சி said...

உங்களுக்கு மட்டும் அல்ல, இது மாதிரி நிறைய
நடக்கின்றன.குறிப்பாக மருத்துவத்துறை இன்று
ஒரு வியாபாரம்....அங்கு பணத்திற்கு அடுத்து தான் உயிர்.

போன வருடம் "போலி மருந்து" தமிழகத்தையே கலக்கியது.
இப்போது அனைவரும் மறந்து விட்டோம்.

இதில் கொடுமை என்னவெனில் மருத்துவர்களும் இந்தமாதிரி
மோசடிகளுக்கு துணை போவது?

குடுகுடுப்பை said...

மருத்துவம்/மருந்தியல் நிறைய வியாபார அநியாயங்கள் உலக அளவில் நடக்கிறது, லாப நோக்கமின்றி புதிய நோய்களுக்கு மருந்து கண்டுபிடிக்க இயலாது, ஆனால் இங்கு கொள்ளை லாபம் மட்டுமே நோக்கமாக உள்ளது.

புருனோ Bruno said...

காச நோய் என்றால் அதற்கு கடையில் மருந்து வாங்கி அளிப்பது ஏறத்தாழ நின்று விட்டது

இன்று காச நோய் தாக்கப்பட்டவர்களை முறைப்படி பரிசோதித்து, அதற்கேற்ப Category I, Category II, Category III என்று வகைப்படுத்தி அரசு மருத்துவமனைகளிலேயே மொத்த மருந்தையும் தந்து விடுவார்கள்

இதற்கு பெயர் DOTS

நோயாளி மருந்தை சாப்பிடுவதை ஒரு அட்டையில் குறிக்க வேண்டும்

அந்த மருந்தை அருகில் உள்ள ஆரம்ப சுகாதார நிலையம், துனை சுகாதார நிலையம், கிராமங்களில் பெட்டிக்கடை, தபால் அலுவலகம் என்று அளித்து, அட்டையில் ஒழுங்காக குறிக்கப்படுகிறதா என்று சரிபார்க்கும் நடைமுறை உள்ளது

--

காச நோய் என்றால் DOTS தவிர வேறு மருந்துக்களை சாப்பிடுவது நல்லதல்ல என்பது என் கருத்து

புருனோ Bruno said...

மேலும் விபரங்களுக்கு இந்த பக்கத்தை பார்க்கவும்

அரசால் முழு சிகிச்சைக்கும் (6 முதல் 18 மாதம் வரை) மருந்து இலவசமாக தரப்படும்.

ஆனால் கடையில் வாங்குபவர்கள் பாதி வைத்தியம் தான் பார்க்கிறார்கள்

//
டிபி இன்ஃபெக்சனுக்கான மருந்து ஒரு மருந்துக்கடையில் கிடைக்காவிடில் கூட பரவாயில்லை,எந்த மருந்துக்கடைகளிலுமே கிடைக்காதது...//

இது நல்ல செய்தி

காச நோய் மருந்து அரசால் இலவசமாக வழங்கப்படுவதால் எந்த மருத்துக்கடையிலும் அது கிடைக்காமல் இருப்பதே நல்லது

புருனோ Bruno said...

இங்கு பிரச்சனை மருந்து கிடைக்காமல் இருப்பது அல்ல

இங்கு பிரச்சனை - RNTCP பற்றியோ, DOTS பற்றியோ அக்கறையில்லாமல் நேரடியாக வைத்தியம் பார்த்த உங்கள் மருத்துவர் தான்

அவருக்கு பக்கத்தை http://www.tbcindia.org/rntcp.asp காண்பிக்கவும் http://www.tbcindia.org/Documents.asp

அடுத்து அவரிடம் செல்லும் நோயாளிகளிகளுக்கு பயன்படும்

புருனோ Bruno said...

http://www.tbcindia.org/pdfs/TB%20India%202010.pdf

Sputum microscopy continues to be the primary tool
for detection of infectious cases. Apart from sputum
microscopy, RNTCP also uses standardised diagnostic
algorithms to diagnose and treat all forms of TB
wherein
X-ray plays a supporting role. However in line with the
stop TB strategy the programme is exploring all possible
avenues with newer and innovative technologies for
early detection of TB including use of LED fl uorescent
microscopes, liquid culture and line probe assay for
diagnosis drug resistant TB etc.

புருனோ Bruno said...

RNTCP uses intermittent short-course chemotherapy
(SCC)
regimens to facilitate the direct observation oftreatment. RNTCP ensures that there is no interruption
in treatment due to shortage of drugs, once a person
is diagnosed with TB
. Sufficient anti-TB drugs in patient wise boxes are made available at all the appropriate
levels (Peripheral Health Institution/TB unit/District/
State/National). The uninterrupted supply of drugs to each patient is made possible through the “patientwise box.” Patient-wise drug boxes (both adult and pediatric) are an innovation of RNTCP wherein a box of medications
for the entire duration of the treatment is earmarked for
every patient registered. This ensures the availability of
the full course of medication to the patient the moment
s/he is registered for treatment.
Patient-wise drug boxes have helped to improve patient care, adherence, drug supply and drug stock
management.
Under RNTCP, all sub-centres, primary
health centres, community health centres, and other
health facilities provide DOTS services to patients.

Since TB patients may also seek treatment from private
physicians, the government has taken initiatives to
provide DOTS services through the private sector and
through community volunteers.

புருனோ Bruno said...

Directly observed treatment (DOT) is one of the key
elements of the DOTS strategy. In DOT, an observer
(health worker or trained community volunteer who
is not a family member
) watches and supports the
patient in taking drugs.
The DOT provider ensures that
the patient takes the right drugs, in the right doses, at
the right intervals, for the right duration.

DOT thus facilitate relapse free cure for TB and also helps
to reduce development of drug resistance, because
direct observation ensures adherenc

ராம்ஜி_யாஹூ said...

மருத்துவப் படிப்பு படிப்பதற்கு நாற்பது லட்சம் முதலீடு செய்ததை, திரும்ப எடுக்க வேண்டாமா வட்டியுடன் சேர்த்து

ஹுஸைனம்மா said...

பல மருத்துவர்களுக்கு, மருந்துக் கம்பெனிகள், பரிசோதனைக் கூடங்கள், ஸ்கேன் செண்டர்கள், பெரிய தனியார் ஆஸ்பத்திரிகள் என்று எல்லவற்றோடும் ஒரு அக்ரிமெண்ட் இருக்கிறது வாடிக்கையாகிவிட்டது. நல்ல திறமையான மருத்துவர்கள் அதிரிகரிக்கும் அதேசமயம், நல்லெண்ணம் கொண்ட மருத்துவர்கள் குறைந்துவருகிறார்கள்.

அரசு ஆஸ்பத்திரிகளை ஆள்பவர்களே அலட்சியம் செய்யும்போது, சாதாரண பொதுஜனம் எப்படி நம்பிப் போவது?

புருனோ Bruno said...

//ராம்ஜி_யாஹூ said...
மருத்துவப் படிப்பு படிப்பதற்கு நாற்பது லட்சம் முதலீடு செய்ததை, திரும்ப எடுக்க வேண்டாமா வட்டியுடன் சேர்த்து
//

ராம்ஜி யாஹூ

தமிழகத்தில் 40 லட்சம் கொடுத்து மருத்துவர் படிப்பவர்கள் 10 சதம் கூட இல்லை என்பது உங்களுக்கு தெரியுமா