Monday, June 16, 2008

பப்புஸ் டே அவுட்

மருத்துவமனையில் :

சளி பிடித்திருந்ததனால் பப்புவின் மருத்துவரிடம் போயிருந்தோம்.
எங்களுக்கு முன் சென்ற குழந்தை உள்ளே அழுதுக்கொண்டிருந்தது.
எங்கே பப்புவும் அழுவாளோ என நினைத்தேன்.
ஸ்டெத் வைத்து பார்த்தார். காதில் வைத்து வெப்பநிலையை கண்டறிந்தார்.
பப்பு மறுப்பேதும் சொல்லாது அவர் திரும்பசொன்னபோது திரும்பி, சொல்வதையெல்லாம் கேட்டாள். மருந்துகள் எழுதிகொடுத்தார்.

பில் வாங்கும்போது, பப்பு டாக்டரிடம்,

"டாக்டர், ஊசி போடு, டாக்டர்"

"ஊசி போடுங்கன்னு சொல்லு!!" - நான்.

"டாக்டர், ஊசி போடுங்க, டாக்டர்"

"ஊசியா..நாலு வயசுக்கு மேலதான் ஊசி உனக்கு" - டாக்டர்.

கடைசிவரை அவள் இருக்கையிலிருந்து எழுந்துக்கொள்ளாமல்,
அவரை ஊசி போட சொல்லிகொண்டிருந்தாள். கூப்பிட்டாலும் வரவில்லை.
டாக்டர் "நீங்க போங்கம்மா, அவள் தானா வருவாள்" என்றார்.
நாங்கள் எழுந்து வந்துவிட்டோம். அடுத்ததாக இருந்தவர்க்ளும் உள்ளே சென்றபின்னரும் பப்பு வரக்காணோம்.
பிறகு கதவை திறந்து கூட்டி வரும்படி ஆயிற்று.

நல்லா சாப்பிடலன்னா, டாக்டரிகிட்ட போய் ஊசிதான் போடனும் என்று அடிக்கடி சொன்னதன் விளைவு இது!!

உணவகத்தில் :

பப்புவின் முதல் பஃப்பே லஞ்ச். ஒன்லி வெஜிடபிள்ஸ் - கேரட்டும், பீட்ரூட்டும்.
கொஞ்சம் பிரியாணி மற்றும் சூப்! மற்றபடி, வேடிக்கை பார்த்தபடி!!

கடையில் :

குழந்தைகள் பிரிவில் சென்றதும் நான் அவளுக்கான துணிகளை பார்த்து, விலைகளை பார்த்துக்கொண்டிருந்தேன்.பொம்மைகள், சிடி, மற்றும் விளையாட்டுபொருட்களையும் பார்த்து, அவளிடம் இங்க பாரு, இது நல்லாயிருக்கா என்றெல்லாம் கேட்டுக்கொண்டிருந்தேன். ( ஆனால் ஒன்றும் வாங்கவில்லை..அது வேறு விஷயம்!)





அவளும் ஒரு கரடிபொம்மையை எடுத்துக்கொண்டு, என்னைப் போலவே ஓவ்வொரு பிரிவாகச் சென்று கரடிபொம்மையுடன் பேசிகொண்டிருந்தாள்....அருகே சென்று அவளுடய சிந்தனையை கலைக்க மனமில்லாமல்..கிளிக்கிக்கொண்டேன்!!

4 comments:

Thamizhmaangani said...

//அருகே சென்று அவளுடய சிந்தனையை கலைக்க மனமில்லாமல்..கிளிக்கிக்கொண்டேன்!//

அழகாய் எழுதுறீங்க! :))

பிரேம்குமார் said...

வலைச்சரத்தில் உங்கள் பதிவின் சுட்டி சேர்க்கப்பட்டது
http://blogintamil.blogspot.com/2008/06/blog-post_19.html

ராமலக்ஷ்மி said...

வலைச்சரம் சுட்டிய வழியில் வந்தேன்.
பப்பு கரடி பொம்மையோடு பேசுவதை கற்பனையில் ரசித்தேன்.

ராமலக்ஷ்மி said...

வலைச்சரம் சுட்டிய வழியில் வந்தேன்.
பப்பு கரடி பொம்மையோடு பேசுவதை கற்பனையில் ரசித்தேன்.