Friday, October 05, 2007

என் பதின்ம வயது பாப் பாடல்கள் - I

பாப் பாடல்கள் என்னை எப்போதுமே ஈர்ப்பவை. அதுவும் இந்தி பாப் மீது அளவிட முடியாத காதல் உண்டு!முன்பு தூர்தர்ஷன் காலத்தில் ஹாட் ஸ்பாட் என்று ஒரு நிகழ்ச்சி சனி இரவுகளில் ஒளிபரப்பப்படும்.கவிதா கிருஷ்ணமூர்த்தி, ரெமோ, உஷா உதூப் மற்றும் பல பாப் பாடகர்களின் பாடல்கள் இடம் பெறும். அப்போது பாப் பாடல்கள் அவ்வளவாக பிரபலமாகவில்லை. ஜீ தொலைக்காட்சி வந்தபின், ஓரளவு பாப்பாடல்கள் இடம் பெற துவங்கின. வழக்கமான சினிமாப் டூயட் பாடல் காட்சிகளை விட, வித்தியாசமான காட்சி அமைப்புகள், தாளம் போட வைக்கும் மெட்டுகள், இளம்வயதினரை வசீகரிக்கக்கூடிய டான்ஸ் ஸ்டைல்
எனப் பல காரணங்கள் கவர்வதற்கு இருந்தன இந்த பாப் ஆல்பங்களிடம்.

90களில் வந்த பாப் பாடல்கள்.. இவற்றைக் கேட்கும்போது, என்னை திரும்ப அந்த
பதின்ம வயதுக்கே கொண்டு செல்லும் சக்தி படைத்தவை.

நினைவுகளை அசை போடுவது சுகமானது!

பாப் பாடல்கள் என்றில்லை..பதின்ம வயதில் நாம் ரசிக்கும் ஒவ்வொரு பாடலும்/விஷயமும் மீண்டும் அவற்றை கடக்க நேரிடும்போது பழைய நினைவுகளுக்கு..அந்த கால்கட்டதிற்கு அழைத்துசெல்பவையாக இருக்கிறது!!

அந்த வயதில்தான் எத்தனையெத்தனை கனவுகள்..திட்டங்கள்..வருங்காலத்தை பற்றிய கனவுகள்..
எண்ணங்கள்..நட்புகள்..சந்தோஷங்கள்!!

Pari Hoon Main-Sunita Rao

எனக்கு மிகவும் பிடித்தமான பாட்டு -
இந்த பாடல்தான் சுனிதாவுக்கு அறிமுகத்தை தந்தது! அந்த இன்னொசன்ட் முகமும், பள்ளிச் சீருடையில்
வகுப்பறையில் அமர்ந்திருப்பதும் ..கறுப்பு வெள்ளையில் படக்காட்சிகளில் இந்த பாடலை கேட்பதும், பார்ப்பதுமே
சுகம்தான்.! சுனிதாவின் இன்னொரு ரசிக்கும்படியான பாடல் Kesaria!!
ஆனாலும்,சுனிதாவின் அசர வைக்கும் அழகும், கிறங்கடிக்கும் குரலுமாக....
pari-ஐ போல மற்றொரு பாடலை, ரசிகர்கள் விரும்பினாலும் சுனிதாவாலேயேகூட கொடுக்க முடியாது...
Pari என்றால் Fairy/ beautiful woman..உண்மைதான்!

மைசூர் சுற்றுலா முடிந்து வந்து, நான் உனக்கு பரிசளித்த
சந்தனவாசம் வீசும் சாவிக்கொத்து இருக்கிறதா உன்னிடம் இன்னும்!!

Get this widget | Track details | eSnips Social DNA


Johnny Joker - Shweta Shetty

மறக்க முடியுமா இவரை!! ஷ்வேதா..ஒரு bold voice அலட்சிய பார்வை மற்றும் அநாயசமான ஸ்டைல்! 93 இல் வெளி வந்த பாடல் இவருக்கு பல பாலிவுட் பட வாய்ப்புகளை பெற்றுத் தந்தது. இந்த பாடல் யாரிடமாவது இருக்கிறதா?

இவரது மற்ற ஹிட் பாடல் Deewane To Deewane Hain..அதைதான் இணைத்திருக்கிறேன்.

Dil kisika kilona nahin!!

அப்போது ஸ்டார் டீவியின் நெடுந்தொடர் "The Bold and the Beautiful" ஒளிபரப்பாகுமே....அந்த தலைப்பில் நீ எழுதிய கடிதம் பிரிக்கப்படாமல் இருக்கிறது என் ரெக்கார்ட் நோட்டில்!

Get this widget | Track details | eSnips Social DNA


Dole Dole Dil Ye Dole - SUCHITRA

சன்ரைஸ் விளம்பரத்தில் வந்த பெண்..ஷாருக்குடன் ஒரு படதில் நடித்தார்.
இந்த பாடலும், Dum tara என்ற பாடலும் என்னுடைய விருப்ப பாடல்கள்!
இளமை துள்ளும் இந்த பாடலில் வண்ண வண்ண குடைகளுடன் கல்லூரி வராந்தாவில், குட்டை கவுனுடன்
துறு துறுவென்று இருந்த சுசித்ரா..
விரைவில் பாப் உலகில் இருந்து காணாமல் போனார்.

அப்போதெல்லம் அடிக்கடி நினைத்துக் கொள்வேன் எப்போது பெரியவர்களாவோமென்று! இப்போது உணர்கிறேன் சின்ன வயது சந்தனமுல்லையாகவே இருந்திருக்காலாமோவென்று!!

Nigodi kaisi jawani hai -Ila Arun

கிராமத்திய பாப் இசை ராணி...இவரது எல்லா பாடல்களுமே ஹிட்..!
கல்நாயக் பாடல்கள் போதும் இவர் பற்றி தெரிந்துக் கொள்ள!!
இவரது 'ஹஸ்கி வாய்சும்' இந்த ஆல்பம் படமாக்க பட்ட விதமும், இவரது நடிப்பும்...முறைப்பும்..ரொம்பவே அழகு!!

இந்த பாடலையும் தேடிக்கொண்டிருக்கிறேன் இணையத்தில்...உன்னையும் சேர்த்து...நெடுநாட்களாக!!


Baba Sehgal - Thanda Thanda Pani

இவர் இல்லாமல் இந்தி பாப்? இல்லை..இந்தி(ய) ராப் மற்றும் பாப் உலகின் முன்னோடி!
ஆனாலும் இது காப்பிதான்...indianised!!
உடை விஷயத்தில் ரொம்பவே தைரியசாலி..ராமராஜன்..கோவிந்தா போல்!!
பாடலில் ஒருவித நகைச்சுவையும் இருக்கும்! "Manjula" பாடல் ஒரு உதாரணம்!


Get this widget | Track details | eSnips Social DNA

1 comment:

செந்தழல் ரவி said...

நல்ல பதிவு...எல்லா பாடல்களும் அருமை...